ᮔᮨᮕᮀᮊᮩᮔ᮪ / Nepangkeun

ᮝᮦᮘ᮪ ᮞᮥᮔ᮪ᮓᮔᮨᮞᮨ.id ᮙᮀᮛᮥᮕᮤᮊᮩᮔ᮪ ᮞᮜᮂ ᮞᮠᮤᮏᮤ ᮕᮙᮤᮜᮧᮔ᮪ ᮓᮤᮔ ᮜᮧᮙ᮪ᮘ ᮍᮓᮙᮨᮜ᮪ ᮝᮦᮘ᮪ ᮊᮜᮚᮔ᮪ ᮊᮔ᮪ᮓᮥᮍᮔ᮪ ᮒᮥᮜᮤᮞᮔ᮪ ᮃᮊ᮪ᮞᮛ ᮞᮥᮔ᮪ᮓ ᮃᮔᮥ ᮓᮤᮃᮚᮊᮩᮔ᮪ ᮊᮥ ᮕᮍᮥᮛᮥᮞ᮪ ᮔᮙᮤ ᮓᮧᮙᮄᮔ᮪ ᮄᮔ᮪ᮒᮨᮁᮔᮦᮒ᮪ ᮄᮔ᮪ᮓᮧᮔᮦᮞᮤᮃ (ᮕᮔ᮪ᮓᮤ) ᮊᮜᮚᮔ᮪ ᮊᮧᮜᮘᮧᮛᮞᮤ ᮞᮛᮨᮀ ᮕᮛ ᮕᮨᮌᮤᮃᮒ᮪ ᮃᮊ᮪ᮞᮛ ᮞᮥᮔ᮪ᮓ ᮒᮤ ᮕᮥᮞᮒ᮪ ᮓᮤᮌᮤᮒᮜᮤᮞᮞᮤ ᮞᮛᮨᮀ ᮕᮍᮨᮙ᮪ᮘᮍᮔ᮪ ᮘᮥᮓᮚ ᮞᮥᮔ᮪ᮓ, ᮅᮔᮤᮗᮨᮁᮞᮤᮒᮞ᮪ ᮕᮏᮏᮛᮔ᮪ (ᮕ.ᮓ.ᮕ.-ᮘ.ᮞ ᮅᮔ᮪ᮕᮓ᮪) ᮞᮛᮨᮀ ᮇᮌᮦ ᮕᮥᮞᮒ᮪ ᮞᮨᮒᮥᮓᮤ ᮞᮥᮔ᮪ᮓ. ᮊᮥ ᮞᮘᮘ᮪ ᮊᮤᮒᮥ, ᮉᮞᮤᮔ ᮝᮦᮘ᮪ ᮞᮥᮔ᮪ᮓᮔᮨᮞᮨ.id ᮞᮩᮉᮁᮔ ᮓᮤᮒᮥᮜᮤᮞ᮪ ᮊᮥ ᮃᮊ᮪ᮞᮛ ᮞᮥᮔ᮪ᮓ.

Wéb sundanese.id mangrupikeun salah sahiji pamilon dina lomba ngadamel wéb kalayan kandungan tulisan aksara Sunda anu diayakeun ku Pengelola Nama Domain Internét Indonésia (PANDI) kalayan kolaborasi sareng para pegiat aksara Sunda ti Pusat Digitalisasi Sareng Pangembangan Budaya Sunda, Universitas Padjajaran (PDP-BS UNPAD) sareng ogé Pusat Studi Sunda. Ku sabab kitu, eusina wéb "sundanese.id" seueurna ditulis ku aksara Sunda.

ᮃᮔ᮪ᮏᮩᮔ᮪ ᮒᮤᮃᮞ ᮍᮔ᮪ᮏᮀ ᮊ ᮝᮦᮘ᮪ ᮞᮥᮔ᮪ᮓᮔᮨᮞᮨ.id ᮍᮜᮤᮝᮒᮔ᮪ ᮞᮜᮂ ᮞᮠᮤᮏᮤ ᮃᮜᮙᮒ᮪ ᮄᮉ:
Anjeun tiasa nganjang ka wéb sundanese.id ngaliwatan salah sahiji alamat ieu:

• http://xn--bxfbb1bd2byabn.id/
• http://ᮞᮥᮔ᮪ᮓᮔᮨᮞᮨ.id/
• https://sundanese.id/

ᮝᮦᮘ᮪ aksara.sundanese.id ᮄᮉ ᮙᮀᮛᮥᮕᮤᮊᮩᮔ᮪ ᮞᮥᮘ᮪ᮓᮧᮙᮄᮔ᮪ ᮗᮦᮁᮞᮤ ᮜᮒᮤᮔ᮪ ᮒᮤᮔ ᮝᮦᮘ᮪ ᮞᮥᮔ᮪ᮓᮔᮨᮞᮨ.id

Wéb aksara.sundanese.id ieu mangrupikeun subdomain vérsi latin tina wéb sundanese.id

ᮠᮜᮙᮔ᮪ ᮝᮦᮘ᮪ ᮄᮉ ᮓᮤᮏᮤᮉᮔ᮪ ᮊᮜᮚᮔ᮪ ᮒᮥᮏᮥᮃᮔ᮪ ᮕᮤᮊᮩᮔ᮪ ᮍᮘᮔ᮪ᮒᮧᮞᮔ᮪ ᮕᮨᮍᮥᮔ᮪ᮏᮥᮀ 🙏 (ᮅᮒᮙᮤᮔ ᮃᮔᮥ ᮙᮞᮤᮂ ᮊᮦᮔᮦᮂ ᮘᮤᮍᮥᮀ ᮙᮎ ᮃᮊ᮪ᮞᮛ ᮞᮥᮔ᮪ᮓ) ᮞᮥᮕᮓᮧᮞ᮪ ᮌᮙ᮪ᮕᮀ ᮙᮎ ᮞᮛᮨᮀ ᮍᮁᮒᮧᮞ᮪ ᮉᮞᮤ ᮒᮥᮜᮤᮞᮔ᮪ ᮝᮦᮘ᮪ ᮞᮥᮔ᮪ᮓᮔᮨᮞᮨ.id.

Halaman wéb ieu dijieun kalayan tujuan pikeun ngabantosan pengunjung 🙏 (utamina anu masih kénéh bingung maca aksara Sunda) supados gampang maca sareng ngartos eusi tulisan wéb sundanese.id.

ᮃᮔ᮪ᮏᮩᮔ᮪ ᮒᮤᮃᮞ ᮍᮔ᮪ᮏᮀ ᮊ ᮝᮦᮘ᮪ aksara.sundanese.id ᮍᮜᮤᮝᮒᮔ᮪ ᮞᮜᮂ ᮞᮠᮤᮏᮤ ᮃᮜᮙᮒ᮪ ᮄᮉ:

Anjeun tiasa nganjang ka wéb aksara.sundanese.id ngaliwatan salah sahiji alamat ieu:

• https://aksara.sundanese.id/
• https://aksarasundaneseid.blogspot.com/

ᮕᮦᮛᮧᮔ᮪ ᮃᮔᮥ ᮓᮤᮃᮀᮌᮧ ᮕᮤᮊᮩᮔ᮪ ᮑᮤᮉᮔ᮪ ᮠᮜᮙᮔ᮪ ᮝᮦᮘ᮪ ᮑᮆᮒ:

Platform anu dianggo pikeun nyieun halaman wéb nyaéta:

• ᮞᮥᮔ᮪ᮓᮔᮨᮞᮨ.id ᮍᮀᮌᮧ ᮝᮧᮓ᮪ᮕᮢᮦᮞ᮪
  sundanese.id nganggo Wordpress
• aksara.sundanese.id ᮍᮀᮌᮧ ᮘ᮪ᮜᮧᮌ᮪ᮌᮨᮁ ᮃᮒᮔᮕᮤ ᮘ᮪ᮜᮧᮌ᮪ᮞ᮪ᮕᮧᮒ᮪.
  aksara.sundanese.id nganggo Blogger atanapi Blogspot.

ᮜᮧᮌᮧ ᮞᮥᮔ᮪ᮓᮔᮨᮞᮨ.id ᮍᮜᮙ᮪ᮘᮀᮊᮩᮔ᮪ ᮔᮙᮤ ᮓᮧᮙᮄᮔ᮪ ᮞᮥᮔ᮪ᮓᮔᮨᮞᮨ.id ᮆᮒ ᮑᮜᮤᮛ, ᮃᮔᮥ ᮓᮤᮝᮍᮥᮔ᮪ ᮊᮥ ᮞᮘᮘᮛᮠ ᮞᮤᮙ᮪ᮘᮥᮜ᮪ ᮞᮛᮨᮀ ᮊᮨᮜᮤᮁ ᮞᮕᮨᮁᮒᮧᮞ᮪ ᮊᮤᮉ:

Logo sundanese.id ngalambangkeun nami domain sundanese.id éta nyalira, anu diwangun ku sababaraha simbul sareng kelir sapertos kieu:

• |᮱|. ᮞᮤᮙ᮪ᮘᮥᮜ᮪ ᮃᮊ᮪ᮞᮛ ᮞᮥᮔ᮪ᮓ / Simbul Aksara Sunda
  ᮞᮤᮙ᮪ᮘᮥᮜ᮪ ᮃᮊ᮪ᮞᮛ ᮞᮥᮔ᮪ᮓ ᮃᮘ᮪ᮏᮓ᮪  ᮞ  ᮞᮜᮊᮥ ᮠᮁᮒᮤ ᮠᮥᮛᮥᮖ᮪ ᮃᮝᮜ᮪ ᮊᮨᮎᮕ᮪ “ᮞᮥᮔ᮪ᮓ”. ᮊᮜᮚᮔ᮪ ᮠᮤᮃᮞᮔ᮪ ᮓᮤᮔ ᮓᮥᮃ ᮝᮁᮔ, ᮑᮆᮒ ᮘᮩᮛᮩᮙ᮪ ᮞᮛᮨᮀ ᮘᮧᮓᮞ᮪, ᮞᮜᮊᮥ ᮝᮁᮔ ᮠᮞ᮪ ᮔᮌᮛ ᮄᮔ᮪ᮓᮧᮔᮦᮞᮤᮃ.
  Simbul Aksara Sunda abjad “sa” salaku harti huruf awal kecap “Sunda”. Kalayan hiasan dina dua warna, nyaéta beureum sareng bodas, salaku warna khas nagara Indonésia.
• |᮲|. ᮘᮥᮜᮩᮓᮔ᮪ (ᮘᮥᮔ᮪ᮓᮨᮛᮔ᮪) / Buleudan (Bunderan)
  ᮞᮤᮙ᮪ᮘᮥᮜ᮪ ᮘᮥᮜᮩᮓᮔ᮪ ᮃᮔᮥ ᮍᮥᮛᮤᮜᮤᮍᮔ᮪ ᮠᮥᮛᮥᮕ᮪ “ᮞ” ᮓᮤᮔ ᮒᮥᮜᮤᮞᮔ᮪ ᮃᮊ᮪ᮞᮛ ᮞᮥᮔ᮪ᮓ, ᮙᮀᮛᮥᮕᮤᮊᮩᮔ᮪ ᮘᮨᮔ᮪ᮒᮥᮊ᮪ ᮠᮥᮛᮥᮕ᮪ “S” ᮓᮤᮔ ᮠᮥᮛᮥᮕ᮪ ᮜᮒᮦᮔ᮪ ᮞᮜᮊᮥ ᮠᮥᮛᮥᮕ᮪ ᮃᮝᮜ᮪ ᮊᮨᮎᮕ᮪ “ᮞᮥᮔ᮪ᮓᮔᮦᮞᮦ”.
  Simbul buleudan anu ngurilingan hurup “sa” dina tulisan aksara Sunda, mangrupikeun bentuk hurup “s” dina hurup latén salaku hurup awal kecap “sundanésé”.
• |᮳|. ᮒᮥᮜᮤᮞᮔ᮪ ᮔᮙᮤ ᮓᮧᮙᮄᮔ᮪ / Tulisan nami domain
  ᮓᮤᮔ ᮑᮨᮛᮒ᮪ ᮃᮊ᮪ᮞᮛ ᮞᮥᮔ᮪ᮓ ᮔᮙᮤ ᮓᮧᮙᮄᮔ᮪ “ᮞᮥᮔ᮪ᮓᮔᮨᮞᮨ.id” ᮔᮥᮒᮥᮁᮊᮩᮔ᮪ ᮎᮛ ᮔᮥᮜᮤᮞ᮪ ᮜᮒᮦᮔ᮪, ᮑᮆᮒ “ᮞᮥᮔ᮪ᮓᮔᮨᮞᮨ.id” ᮞᮔᮦᮞ᮪ “ᮞᮥᮔ᮪ᮓᮔᮦᮞᮦ.id” (henteu nganggo “e curek / panéléng”), ᮞᮘᮘ᮪ (ᮕᮤᮊᮩᮔ᮪ ᮃᮚᮩᮔ) ᮒᮥᮜᮤᮞᮔ᮪ “é” (e curek) ᮓᮤᮔ ᮙᮤᮜᮛᮤᮃᮔ᮪ ᮔᮙᮤ ᮓᮧᮙᮄᮔ᮪ ᮠᮨᮔ᮪ᮒᮩ ᮒᮤᮃᮞ ᮓᮤᮕᮨᮔ᮪ᮓᮊᮔ᮪ ᮊᮥᮞᮘᮘ᮪ ᮍᮔ᮪ ᮅᮊᮥᮁ ᮒᮥᮜᮤᮞᮔ᮪ ᮃᮔᮥ ᮍᮀᮌᮧ ᮆᮏᮠᮔ᮪ ᮜᮒᮦᮔ᮪ ᮃᮔᮥ ᮞᮚᮧᮌᮤ.
  Dina nyerat aksara Sunda nami domain “sundanese.id” nuturkeun cara nulis latén, nyaéta “sundanese.id” sanés “sundanésé.id” (henteu nganggo “e curek / panéléng”), sabab (pikeun ayeuna) tulisan “é” (e curek) dina milarian nami domain henteu tiasa dipendakan kusabab ngan ukur tulisan anu nganggo éjahan latén anu sayogi.
• |᮴|. ᮒᮥᮜᮤᮞᮔ᮪ ᮒᮧᮕ᮪ ᮜᮦᮗᮨᮜ᮪ ᮓᮧᮙᮄᮔ᮪ / Tulisan top lével domain
  ᮒᮥᮜᮤᮞᮔ᮪ ᮓᮧᮙᮄᮔ᮪ ᮒᮤᮀᮊᮒ᮪ ᮜᮥᮠᮥᮁ “.id” ᮓᮤᮔ ᮃᮊ᮪ᮞᮛ ᮞᮥᮔ᮪ᮓ ᮑᮆᮒ “.ᮄᮔ” (.ina). ᮏᮔ᮪ᮒᮨᮔ᮪, ᮃᮚ ᮘᮨᮓᮔ ᮓᮤᮔ ᮑᮨᮛᮒ᮪ ᮓᮧᮙᮄᮔ᮪ ᮒᮤᮀᮊᮒ᮪ ᮜᮥᮠᮥᮁ ᮠᮥᮞᮥᮞ᮪ ᮔᮌᮛ ᮄᮔ᮪ᮓᮧᮔᮦᮞᮤᮃ. ᮓᮤᮙᮔ ᮓᮤᮔ ᮒᮥᮜᮤᮞᮔ᮪ ᮒᮦᮊ᮪ᮞ ᮜᮒᮦᮔ᮪ ᮍᮀᮌᮧ .id, ᮞᮨᮓᮨᮀᮊᮩᮔ᮪ ᮓᮤᮔ ᮒᮥᮜᮤᮞᮔ᮪ ᮒᮦᮊ᮪ᮞ ᮃᮊ᮪ᮞᮛ ᮞᮥᮔ᮪ᮓ ᮍᮀᮌᮧ .ᮄᮔ (ᮞᮔᮦᮞ᮪ .ᮄᮓ᮪).
  Tulisan domain tingkat luhur “.id” dina aksara Sunda nyaéta “.ᮄᮔ” (.ina). Janten, aya bedana dina nyerat domain tingkat luhur khusus nagara Indonésia. Dimana dina tulisan téks latén nganggo .id, sedengkeun dina tulisan téks aksara Sunda nganggo .ᮄᮔ (sanés .ᮄᮓ᮪).

ᮠᮜᮙᮔ᮪ ᮝᮦᮘ᮪ ᮄᮉ ᮓᮤᮊᮧᮊᮧᮜᮊᮩᮔ᮪ ᮞᮎᮛ ᮕᮢᮤᮘᮓᮤ ᮊᮥ ᮞᮤᮙ᮪ᮊᮥᮛᮤᮀ ᮑᮜᮤᮛ, ᮏᮥᮔᮨᮓ᮪ ᮗᮤᮇᮜ ᮕᮥᮒᮢ.

Halaman wéb ieu dikokolakeun sacara pribadi ku simkuring nyalira, Juned Viola Putra.

ᮞᮘᮨᮔᮨᮁᮔ ᮞᮤᮙ᮪ᮊᮥᮛᮤᮀ ᮠᮨᮔ᮪ᮒᮩ ᮕᮒᮤ ᮍᮁᮒᮤ ᮍᮩᮔᮃᮔ᮪ ᮝᮦᮘ᮪. ᮞᮤᮙ᮪ᮊᮥᮛᮤᮀ ᮓᮤᮃᮏᮁ ᮘᮣᮧᮌ᮪ᮌᮨᮁ ᮞᮛᮨᮀ ᮝᮧᮓ᮪ᮕᮢᮨᮞ᮪ ᮞᮎᮛ ᮙᮔ᮪ᮓᮤᮛᮤ ᮒᮤ ᮞᮕᮢᮊ᮪ |᮲᮰᮱᮱|, ᮒᮕᮤ ᮞᮤᮙ᮪ᮊᮥᮛᮤᮀ ᮠᮨᮔ᮪ᮒᮩ ᮞᮨᮛᮤᮅᮞ᮪ ᮍᮔ᮪ ᮅᮊᮥᮁ ᮕᮔᮞᮛᮔ᮪ ᮞᮛᮨᮀ ᮍᮔ᮪ ᮅᮊᮥᮁ ᮍᮩᮞᮤᮃᮔ᮪ ᮝᮊ᮪ᮒᮧᮞ᮪ ᮜᮥᮃᮀ. ᮊᮥᮞᮘᮘ᮪ ᮊᮤᮒᮥ, ᮞᮤᮙ᮪ᮊᮥᮛᮤᮀ ᮑᮥᮀᮊᮩᮔ᮪ ᮓᮤᮠᮙ᮪ᮕᮥᮛ ᮞᮛᮨᮀ ᮓᮤᮕᮤᮊᮠᮁᮒᮧᮞ᮪ ᮊᮥᮙᮁᮌᮤ ᮠᮜᮙᮔ᮪ ᮝᮦᮘ᮪ ᮄᮉ ᮙᮞᮤᮂ ᮞᮩᮉᮁ ᮊᮜᮨᮕᮒᮔ᮪ ᮞᮛᮨᮀ ᮊᮞᮜᮠᮔ᮪.

Sabenerna simkuring henteu pati ngarti ngeunaan wéb. Simkuring diajar Blogger sareng Wordpress sacara mandiri ti saprak 2011, tapi simkuring henteu serius ngan ukur panasaran sareng ngan ukur ngeusian waktos luang. Kusabab kitu, simkuring nyungkeun dihampura sareng dipikahartos kumargi halaman wéb ieu masih seueur kalepatan sareng kasalahan.

ᮞᮜᮤᮃᮔ᮪ ᮒᮤ ᮆᮒ, ᮞᮤᮙ᮪ᮊᮥᮛᮤᮀ ᮇᮌᮦ ᮍᮌᮓᮥᮠᮔ᮪ ᮊᮌᮤᮃᮒᮔ᮪ ᮃᮔᮥ ᮞᮔᮦᮞ᮪, ᮑᮆᮒ ᮍᮏᮥᮃᮜ᮪ ᮘᮥᮊᮥ ᮌᮛᮤᮞ᮪ ᮕᮛᮔᮓ ᮊᮀᮌᮧ ᮑᮨᮛᮒ᮪ ᮔᮧᮒᮞᮤ ᮙᮥᮞᮤᮊ᮪ ᮞᮛᮨᮀ ᮙᮥᮊ ᮏᮞ ᮑᮨᮛᮒ᮪ ᮔᮧᮒᮞᮤ ᮙᮥᮞᮤᮊ᮪ ᮃᮒᮝ ᮕᮁᮒᮤᮒᮥᮁ.

Salian ti éta, simkuring ogé ngagaduhan kagiatan anu sanés, nyaéta ngajual buku garis paranada kanggo nyerat notasi musik sareng muka jasa nyerat notasi musik atawa partitur.